🇮🇷#پژوهش_ادملاوند edmolavand@
💌#چِش_و_دِل
دلِ مِن آی دِلِ آی دِلِ مِن
بِرو بِرا بِشنو حرفِ دِلِ مِن
سَرِجنگ داشته چِش با این دِلِ مِن
که آخِر خاک بونِه مِنزِلِ مِن
دل گِنه مردِمونِ یاری هاکِن
چِش گِنه ترک از این غم خواری هاکِن
دل گِنه اِنار داره کاله بَواش
چِش گِنه با می وپیاله دَواش
دِل گِنه وقتِ کاره خوار کار هاکِن
چِش گِنه خواره تَنِّ نِخار هاکِن
دل گِنه بِرو تا یَکدونه بَوویم
چِش گِنه عاشق میخونه بَوویم
دل گِنه بی زِوونِ هم زِوون باش
چِش گِنه وِل هاکِن فکرِ شِه نون باش
دِل گِنه مردمِ ناموسِّ نَووین
چِش گِنه بِر بوریم عاروسِّ بَووین
دِل گِنه فکرِ وِشنای غِذا باش
چِش گِنه نا نَکِن فکرِ شِه جا باش
دل گِنه بِرو باهم یار بَوویم
چِش گِنه بِیتِّره دیار نَوویم
دل گِنه نِماز بَخون روزه بَهیر
چِش گِنه یَک لب از فیروزه بَهیر
دل گِنه بَهیر تِه دَستِ خِلایِق
چِش گِنه نا خِلایِق هرچی لایِق
دِل گِنه یتیمِ سَرِه بَکِش دست
چِش گِنه سعی هاکِن دائم باشی مست
دل گِنه ای خِدا بَرِس بِدادِم
چِش گِنه ای خِدا هادِه مِرادِم
خِدایا مِه چِشِّ با مِه دل هاکِن
خِداوندا مِه چِشِّ عاقِل هاکِن
اون زمون که مه چِش بَیِه با مِه دل
چه خِش هَسِّه هادی بوری زیرِ گِل
📝هادی اکبری وسطی کلایی
🗓1380/4/28
─═༅𖣔❅ ⃟ ⃟ 📚 ⃟ ⃟ ❅𖣔༅═─
💥#پژوهش_ادملاوند
@edmolavand ﷽
#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم