﷽
🇮🇷#ایران_اسلامی
🇮🇷#قرارگاه_فرهنگی_میرمریم
sayedhmirmaryam@
📲اشتراک گذاری در شبکه های اجتماعی
﷽
🌱یاخچێ دوران وارێمێدێ🌱
🌹🍐
یاد اۇلسون اۇ گچن گۆنلر
یاخچێ دوران وارێمێدی
اۇ یانێمدان کٶچن گۆنلر
نه خوب میدان وارێمێدێ
🌹🍏
عشق ایپینینگ یار اۆجۆیدی
رستم زالێنگ گۆجۆیدی
وارێ حوسنێ آلێجێدێ
طوار طرلان وارێمێدی
🌹🍌
منصور تکین داردان قۇرخمام
هئچ کسینن من بوراخمام
هرگز عشقه من یان باخمام
آرادا آن* وارێمێدێ
🌹
باشدان آیاغێدێ درمان
قۇپاردمێشدێ آخر زمان
قوس و قزح رنگین کمان
دین و ایمان وارێمێدێ
🌹🍋
کمان قاشلارێنگ اۇخویدێ
قشنگلرینگ بوراخێیدێ
صداقتدن گپ یوخویدێ
اۇردا قرآن وارێمێدێ
🌹🍓
هم دئمه‌لی هم گٶرمه‌لی
گٶزی اۆزۆندن سۆرمه‌لی
یۇلونا جان اٶلدۆرمه‌لی
باغ و بوستان وارێمێدێ
🌹🍍
ذاتێ اۇلسون شاه و کیخا
یارا من وارام خاطر خوا
گر گله‌یدی مینگ زلیخا
عشقِ زندان وارێمێدێ
🌹🍏
منه باغِ جنّت ایدی
حوریِ محبّت ایدی
شاکیِ هر محنت ایدی
خاللێ جیران وارێمێدێ
🌹🍓
سیزینگ منه آن یۇخونگیز
باور ایدمیۇر چۇخونگیوز
یار سئیرینده جان یۇخونگیز
تر گلستان وارێمێدێ
🌹🍐
من یارێنان ات و دێرناق
اۆزۆم آینا الیم داراق
گاه قۇنشێ و گاه داغێناق
دردِ هجران وارێمێدێ
🌹🍋
شک یۇخومدور سه‌ودیگینده
گوهر واردێ دئدیگینده
منی یار چۇخ سدیگینده
سول و گمان وارێمێدێ
🌹🍌
قۇیموشدوم آرا قانێمێ
یۇلونا دین ایمانێمێ
من بو ناقابول جانێمێ
یارا قوربان وارێمێدێ
🌹🍇
اۇردا کی هئل میخگیدی
گل یاززێ‌یا چیخگیدی
یار قوجاغا سیخگیدی
منیم مهمان وارێمێدێ
🌹
هر چند منه دئرلر دلی
سه‌ودیگیم واردێر سه‌ومه‌لی
"حسین" ده بیر یوسف علی
سارێ سلطان وارێمێدێ
🌹🍐
سٶزلۆگ:
آن : آند ــ قسم ـ شاعر جهت هماهنگی اصوات و قوافی به صورت گفتار عامیانه، اینگونه نوشته است و جای تردید نیست.
شاعر :
🖊#حسین_مرادی_علمدارلو
یازان : جمال خجسته
۱۳۹۷/۳/۲ ـ فراشبند
💾شناسه ۱۴۰۴۰۵۲۶۱۰۱۳
https://eitaa.com/Bakershenasi/291
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم