🇮🇷#پژوهش_ادملاوند edmolavand@
#فرهنگ_عامه
#شعر_مازنی
چَندِه خارِه هِوا جِه وَرف بِوارِه
دَشت و چِکِل، اِسپِه چادِر سَر هایرِه
چَندِه خارِه، کِلِه ی وَر هِنیشیم
دِل و دِلوَر، سَرهادیم شِه سِدا رِه
دَشت و سَهرا رِه هِم، خوندِش بییاریم
آسِمون هِم، پِکپِکی وَرف بِوارِه
تَشی چایی رِه دَم هادیم، کِله وَر
بَوینیم مَسسی و وَرفِ سِما رِه
چَککِه بِلَر هاکِنیم و بَخوندیم
کَشِه هایرِیم، شِه دِلِ دِلبِخا رِه
باریم و بَخِندیم و گَب بَزِنیم
کِناری هاکِنیم شه قِرسِها رِه
هِئیِ توک بُوشیم، هِئیِ پِنو
بَئیریم، دَستِ پیر و جِوونا رِه
بُوشیم، پِنوی هَرچی دوس و دِشمِند
هادیم دِل و دی شِه، بِوا نِنا رِه
بَکِندیم دِشمِنی جِه دِل، گَگِه جان
دَرهاکِنیم، شِه دِلِ کینِه ها رِه
کَشِه بَیریم شِه اَرمون و دِلِوِس
شِه وَچِه و وَچِه زا، زازِکا رِه
اَلی اَسقِری وَلیک بِنی
✍#علی_اصغری_ولیک_بنی
۱۴۰۳/۱۰/۲۸
#دودانگه
─═༅𖣔❅ ⃟ ⃟ ﷽ ⃟ ⃟ ❅𖣔༅═─
📑#پژوهش_ادملاوند
@edmolavand
📚#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم