﷽
🇮🇷#ایران_اسلامی
🇮🇷#قرارگاه_فرهنگی_میرمریم
sayedhmirmaryam@
﷽
🏴#فاطمیه
📄يا حضرت زهرا سلام الله علیها
( اشعار فاطميه)
دلگويه مازندراني
فاطمه جان تِه فِدا بَوِّه علي
اَنِّه ُرو نَي تُو ، شِه مَحرِمِ پَلِي
مِه تِمُومِ دِلخِشي فقط توئي
نَدُونِّي چِتِي مِره داغ بَزُوئي
فاطمه خجالتي دارمِه تِه جا
وَقتي كه حِلالِيت خواني مِه جا
مِه چِشِ پيش تِرَه دِشمِن بَزُوئه
تِه گوش پاره هَسّه، تِه دِيم كهُوئه
چِتِي مِن تِه غَمَّه كِنار هَكَنَم
كِجِه بُورَم بِرمِه زار زار هَكَنَم
تِه كَش و پَلِي بِشكِسَّه ومِه دل
مَن دُعا كِمَّه بَرِسِّه مِه اَجِل
فاطمه مِره خِنِه خَراب نَكن
مِه بَسُوته دِلّه اَي كَبا ب نَكن
شِه خِنِه ي دِلَه اَنِّه كار نَكَن
شِه نَخارَه تَنَّه اَي نَخار نكن
تِه پَلِي بِشكِسَّه اَنِّه راه نَشُو
سازه رَه نِماس راه وبي راه نشو
ُشوتا صِوائي دُومَّه ناخَسَنِي
دردِ بال ودرد ِ پَلِي كَشَنِي
ته سينه نفس كشني خون انه
فاطمه انگار مه جان بيرون انه
ته مريضي دارنه مره كشنه
انّه كار نكن مره ناخش انه
تو جوُنيّ و ته داغ نونه تموم
بعد تو مه زندگي هسّه حروم
فاطمه مه چشم اثلي ره بوين
فاطمه مه برمه گلي ره بوين
***
يا علي مَن تِه فِدا بِرمِه نَكن
مِه بَسُوتَه دِلََّه اَي تُو نَسُوزَن
يا علي نُه ساله دَرَمَه تِه دَس
تِه وِسّه دَر شُونَه آقا مِه نَفَس
مِه دِل تِه وِسِّه علي بَيَّه كَباب
نَمُونَسَّه مِسّه دِيگه صَبر وتاب
تُو بَدِي دِشمِن بِيحَيائِي رِه
ُتو بَدِي مَردِمِ بِيوِفائِي رِه
ُتو بَدِي مِه خَنَه رِه تَش بَزُونَه
بَدِي دَرَّه چِتِي مِه كَش بَزُونَه
بَدِي دِشمَن چِتِي مِرَه لُو بَزُو
كُوچه ي دِلَه تِه رُوبَرُو بَزُو
قُنفُذ ومُغَيرَه رَه دستور هِدا
مِه دَسَّه تِه جا هَكِردبِينَه جِدا
مَن دُومَّه مَرَه اَگر لُو نَكُوشِه
زخمِ سينه دردِ پهلو نَكُوشِه
تِه غَرِيبِي فاطمه رَه كَشَنَه
غم نصيبي فاطمه رَه كَشََنَه
تِه دَسَّه دَوَسَّنَه وُكَشِينَه
بِيوَفا ها همه يكصدا بِينَه
تِه دَوِسَّه دَسُّ و مِه بِشكِسَّه بال
يا علي جان تُو هَكَن مَرَه حَلال
يا علي ،جانِ ُتو، جان مِه وَچُون
جان تو، جان مِه چارتا يَتِيمُون
جان تو، جان مِه حُسين وحَسَن
زَينَبِسّه دِلواپَسِي دارمَه مَن
مَن تِه جا خِيانَتي نِداشتَمَه
بِيشتَراَزشِه جا تَرَه دُوست داشتَمَه
هيچ تقاضائي نَكِردِمَه تِه جا
مِرَه سفارش هَكَردَه مِه بابا
اِسا كه رَفتَنِيمِه اَز تِه پَلي
مِه وَصِيّتّه گُوش هَدِه يا علي
شَبُونَه مِرَه بَشُور ،كَفَن دَپُوش
نِل بِفَهمَن آدماي دين فروش
مِره دفن هَكَن علي جان شَبُونه
تَو شِه دَسِّه جا ولي مَخفِيُونَه
وقتي خاك بَشَنّي مِه سَر ياعلي
نَشُو هِنِيش مِه قَبرِ وَر يا علي
هِنِيش وُ قُرآن بَخُون مِه قَبرِسَر
سفارش هَكَن مِرَه خاك هَيرِه وَر
محسني دُومَّه زَبُونِحال گِنِي
شِعراي مَحَلِّي رَه باحال گِنِي
اِما تَرَه ياد نَكَمّي هِيچگِدر
تِه بالِّه ماسَمِّي سَرِ هَر گِذِر
📝+ نوشته شده
در چهارشنبه ۱۳۹۲/۰۱/۲۸
ساعت 16:3
توسط 🖊#محمدمحسن_زاده_گنجی
🍃⃟🌸᭄•🍃⃟🌸᭄﷽🍃⃟🌸᭄•🍃⃟🌸᭄•
📚#آوات_قلمܐܡܝܕ
@edmolavand
#قرارگاه_فرهنگی_میرمریم
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم