🇮🇷#پژوهش_ادملاوند edmolavand@
#مازنی #واژگان #اصطلاحات
📜دوغَیله آش ، دو آش ، دو چنگال اُ آش دوپَتی، آش دوغ هزارجریبی
هارِشین ( هارشِنین بَوینین ) قشِنگ یاد بَییرین .
🔶اَبِّل ( ابتدا) دو(او، دوغ) ره پِرزُ کامبی ( پارچه تنظیف یا صافی ) بعد تُنگی یا لوکّی ِ دِله شِنِمّی ، سیر ُ نعناع یا هوجی ره دست سنگ جِه ( سنگ گرد مخصوص) ، سیرتخته یِ ( تخته کار ) سَر کوبِمی توکِنِمّی ، دو دِله شِنِمبی ، تُنگ ِ سَر ره بِندِمّی(وِندِمّی) لوگ لوگ دِمّی دِمبی( تکان دادن) . یک ساعت صَوِر کامّی کامبی، تا دو، عطر و طعم و مزه یِ سیر و نعنا ره بَیره.
🔶هِسا اِسا دو ره شِنِمی لَوِه ( دیگ) دِله ، دِ تا کَچه آرد وِنه دِله شِنِمّی ، گِردونِمّی گِردُنِمبی تا آرد حِل حَل بَواشه.
لَوِه ره کِله تَش سَر ( اجاق هیزمی) اِئِلمی ( میگذاریم قرار میدهیم ) .
هارشِنین این خَلِ مهم هسته: وقتی لَوِه ره تَش سر بِئِشتِنی تا وَختی که جوش بِئه ، بایِد مُدام پِشت سر هم ، پِلگیر جِه بهم بَزِنین یا بَرِم بَزِنین ، مِلاقه یا پِلاگیر پِلگیر ره بَگِردونین تا آش نُوسِئه ( نَبُره دِلفه دِلفه نَبوئه ، بعداً آرد آشِ دِله معلوم نَبوئِه ).
🔶وَختی که دو جوش بِئَموئه(بَمُو) اِسا نیم دونه ره شِنِمّی، بعدش سُوزی اِسفِناق ( اسفناج ) یا چنگال وَلگ (برگ چغندر) یا سَلمه ( سبزی خودرو صحرایی)،ماده اِشکِنِه وِنِ دِله شِنِمی. تا خُب بَپِزه جا دَکِفه.
🔶آخِر سَر ، لاقالی لاقِلی ِ ( تابه مسی با یک دسته دراز ) دِله رِغُن شِنِمی تا داغ بَواشه ، بازَم سیر ره توکِنِمّی با یَقِدِه نعنا ، لاقلی دِله شِنِمبی تا سیر داغ دِرِست بَواشه . سیر و نعنا داغ ره دوغیله آشِ دِله شِنِمّی ، بِتُومّی ماقِع سیر داغ ، زَردجه ( زردچوبه ) هم استفاده هِکانیم. تا اینجه دوغَیله آش دِرِست هِکاردِمی .
🔶اَگه بجای نیم دُنه ( خُرده برنج ) از خمیر رشته( البته نا زیاد نازک بوئه نا زیاد کالُفت ، میون تِرِک متوسط ) استفاده هِکانیم ، دوخمیر آش خاشمَزه ای دِرِست هِکاردِمی.
🔶سَلمه ، شِکل و شِمایِل آش ره، مِثلِ بورنی ( بورانی ) کانده کانّه.
💌نوش جان
💐خاشِ وَچه ها ره زِبُون محلی هزار جریبی یا تبریِ مازِندِرُن ، یاد هادیم
#پژوهشگر
#پژوهش
#ابوالفضل_وکیلی
─═༅𖣔❅ ⃟ ⃟ ﷽ ⃟ ⃟ ❅𖣔༅═─
📑#پژوهش_ادملاوند
@edmolavand
📚#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم