پژوهشگر محسن داداش پور باکر

꧁꧂🌼꧁꧂🌼꧁꧂
📩شناسه۱۴۰۳۰۲۱۲۰۸۰۸
#مازنی
#دوآش

📜دِتا بِرار بینه به نوم #گلبرار و #جانبرار که در جنگل بالا دَس مالداری کِردِنِّه.

📌گلبرار اتّا دِبار شهر بورد بیِّه، اما جانبرار اصلاً شهر نشیبیِّه.

📌گلبرار اتّا روز جانبرارِّ پیشنهاد دِنِه که بِرو اتّا دِ روز مال بسپِریم دَسِّ زنان و شِه دِ تایی بوریم فریکنار هم شِه فامیلون سر زَمّی هم به عنوان مهمون اَتِه خِرِش دارِ پلا خِیمی بَمِردِمی از بَس آش پلا بَخِردِمی ،

📌جانبرار قبول هاکِرده و فردا صبح زود راه دَکتِنِّه بوردِنِّه #گلیا و سوار اُتِلبوس بَنِّه که بورن #بابل...
👇
جانبرار که اولین بارش بیِّه سروتَه اُتِلِبوس هارشیا بوته برار وِ چِچیِّه خِنِه رِ مونِّه اَی راه شونِه؟
گلبرار بوتِه برار وِرِ گنِّه اُتِلِبوس ،

📌 بوردِنِّه بابل پیاده بَینّا مینی بوس فریکنارِّ سِوار بَینِّه جانبرار این کَش بوتِه برار وِ اَی چیه اونتا تُوم خُردتِر اَی تِنتِر راه شونِه ؟
گلبرار بوتِه وِ مینی پوسِ...

📌خلاصه کَهی کول شمِسِّه بَوِّم بوردِنّه فریکنار شِه فامیلِ سِرِ و انتظار ناهار چرب و چِری داشتنِّه... اما دست بَر قَضا اون فامیل سِرِ اون روز ناهار آش داشتِنِّه 😳🤣😅 سفره بِشتِنِّه و قَدرِه قَدرِه آش دَکِردنِّه و بِیاردنِّه وسط 😂😀
👇
📌جانبرار اتاّ نگاه به آش و اتّا نگاه به گِلبرار 👈و بوتِه بِرار بوتِه بَلِه ، بَوتِه اونتا عازابشکِنّی اُتِلِبوس بیِّه اینتا خون بَمِرد که مینی پوس بیِّه این آش لامصَّب چی چی پوسِّ سوار بَیِّه کِه اَمارِ پیش دَکِتِه؟

📩م. ن
اصلاً مازندرانِ آش طالع نیِّه یا اصلاً هیچ جوری کنار نیِّه...
یا اگر اتّا نفر پیدا بَواشِه که نیم بند بلد کار آشپزی باشه و بخواد اَتّا کار هاکِنِه دوآش و شیرآش و تش آش و... سربع جابجا بونِه...
اِسا نَمّی نخانّه مازندران رشد هاکِنه یا همه اینا اتفاقیه.
...هیچی جان مار دسِّ آش نوئنه

📩سید...:
من تا اِسا مخفی بیمِه
بَمونِسِّمه قدیم دوآش کجه الان یانگوم سریال کجه؟!!
حرفِشِه دَر نیّارمه
کارگردان سریال جواهری در قصر اگه بِفهمِن مِرِ دِرِس ایرانِ جا وَینِنِّه ناسا مِرِ دِزّی کِرِنِّه 😀😂😅

📩f🇮🇷f:
باز ناسا ته ره بدزده اشکال نکنده
اتا موقع نسا تره نوِره
دعوا بونه😁

📩ف.س:
اَی بِمو بهار و تیرنگ زَنِّه بهاره
کَکی مار سر سیو تیکا زَنّه نِقاره
آوازپشتِلِ میشکا و پَرچیم ِ شِخ
گَت ِاَنجیلیِ سَر کو کو گِنِه بهاره

📩ت.ک:
خانداش اتا لَبِه آش اَمِسِّه بیارده
شونه نشا ک بوه اره
منم اره
اَتا نِشاکر خانه بیاره
گنه بیین که شاجان ننه دوآش دره بِرَند بونه.

📩ن.ج؛
اتا تِشِّ آش هم خِردمی اَماره بد بیاردنه😝 الان گِننه گرون بئیه😂

📩k.u:
اینجه دیروز آمریکا دِله پلیس بِمو
گِنِّه کی بهوته اسرائیل خیِ عقلِ داینِه؟!
اَما بهوتمی بور شمه کار چیه!
اما دوآش بخردمی.
وشون بهوتِنّه: اَی ایران...

📩ع.ض:
به به رفقون
خاره...خب گپ زَنِنی
لَس لَسِ آش بَخرین که خار سیر بَوین
اَتا کمِّه صادارات هَکِنین😁😁

📩f🇮🇷f:
اخ سید مه حال خار بیه😂
😂😂😂گننه تش آش دِله کهی لَم کننه...آدم ره قِد دِنه در حدِّ بروسلی😂
📩سیده نورخانم:
آش تا کِنّا
پلا تا صحرا
نون تا فردا

💌 از پژوهش ادملا وند ممنونمی که شوخی های گروه رِ خوب رصد کِنِّه.

📝اقتباس از سیدقاسم صیادمنش و یاران للوه خیابان
✍بازنگری و ویراستاری:
#محسن_داداش_پور_باکر
۱۴۰۳/۰۲/۱۲
─═༅𖣔❅ ⃟ ⃟ ﷽ ⃟ ⃟ ❅𖣔༅═─
💥#پژوهش_ادملاوند
@edmolavand
📚#آوات_قلمܐܡܝܕ
📡✦‎‌‌‌࿐჻ᭂ🇮🇷࿐჻𖣔༅═─