🇮🇷#پژوهش_ادملاوند edmolavand@
꧁꧂🌼꧁꧂🌼꧁꧂
🌍#مازندران_شناسی
📝 شعر مازندرانی در وصف مازندران:
بِنومه اون خدا که کو بِساته
دِماوَنده مازِرون لو بِساته
کَتِل تشه چِرَک چِریک
دل وِنِسِّه اَتّا پِریک
جانه یلاقه بچا او
چَفتِ سَر و تِلِمِ دو
هوایی کِنده کوهی ره
گالش و چپون هِئی ره
هوایی کنده مه دلّه
خِرو نَرو ئه چِعکِل له
دِلِّه وِنه شِه سَر سِله بَگِردم
مازِرونه مَلِه مَلِه بَگردم
هِوایی هاکِنم بَسوته دِلّه
دل وِنه تَش هایرِم کِلِه بَگردم
مه دل تَنگه یلاقه بِِچا او سِّه
مه دل تَنگه وِنِه کِر و کَتو سِه
دل ره وِنه سُرهادم شه صِداره
اَمیری کتولی و طالباره
مِقوم بیّارم دَسِّه لَلِه وا ره
گَلی گَلی بیّارم و نَجماره
بورِم سوزه هِمِنده سَر هِنیشم
وَنوشه ئه گِلِه ئِه وَر من هِنیشِم
یاره وِسّه دَوِندم گِردنی ره
بچابچا ئو ویشه وَر هِنیشِم
اگه اَتّاروز مه عومِر کِفا بو
مه دِلبر کَلِکِه پش چش به را بو
وِنه بورم وِنه چش ره سو هادم
مازِرونه کَشِه خِد ره خو هادِم
✍ شاعر : حسن رجبی
#پژوهش
#عزیزی
─═༅𖣔❅ ⃟ ⃟ ﷽ ⃟ ⃟ ❅𖣔༅═─
💥#پژوهش_ادملاوند
@edmolavand
📚#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم