🇮🇷#پژوهش_ادملاوند edmolavand@
📜آشنایی با شیوه یِ زندگی ِ مردمانِ هـــــزارجـــــــریب (تبــــــرستــــــانِ) مازنــــــــــــــــدران
📌( در اُوج گرمای تابستان و پاییز)
🔶هزارجریبی ها (تبرستانی ها) اَیّ تاوِستُون تاوِسُّونِ ماقِع ، گالِ گرمی هم کار کانِنه ، گندِم و جو و شالی ره دِرو کاندِنه ، کَردَسته و کَمِل دَسته ها ره یا کُموا زَندِنه یا اَسب جِه خرمِن سَر ، خرمنکوبی کاندِنه. یا بُن بار ،بامبار، بِنه کوپا،کوپا تِلار دِرِست کانِنه بعداً کَر ره زَندِنه (خرمنکوبی کاندِنه).
🔶ریکا وَچه ها فرصت ره از دست نَدِنِنه روبار شونِنه سَنُو ( آب تنی ، شنا) کَفِنِه .
🔶این وَسِط کدبانوهای هزارجریبی ِ حِواس دَره که خاشِ گارجه رُب و هَلی تِرشی و سِ تِرشی ره بَپِجِن .
🔶هزارجریب دِله زنای کوله واره سنگین تِره . دِئه ساعِت شُو دَره تِلاوَنگِ گادِر بیدار بونِنه خمیر و تندیر نون دِرِست کاندِنه گندم جار و شالیجار ِ کارگرا وِسِّه غِذا(غَینار) دِرست کاندِنه .
🔶اگه وَخت دارِن خاش اِشکو و کُلِک پَر ره هم چیندِنه ،تَمِشک جار شونِنه مربّا و تمشک شربت، دِرِست کاندِنه
🔶البته بعضی کارها،به قولِ کدبانوهای هزارجریب ، وِشُونِ کال اَنگوسِ کاره ! مثلِ کِرک چینکا جِه بَرسیئِن کارچ کِرک ره مِرغانه سَر هِنُشُنیئِن چینکا چیندِکا بَکشیئِن .
یا مثلِ ماست راجی هِدائِن ، ماست ره تِلِم بَزُئِن دو ، کشک ، سِزمه ، کشک دو ،چِکیدو دِرست هِکاردن .
🔷پَییز که بونه هِزارجریبِ مرَدِم ، تقریباً خاشِ ویشتِرِ کار جِه بَرِسینه. بازم تِقَلّا و عجله کانِنه تا کاندِس چینی و خاروِندی چینی هم هِکانِن کاندِس تِرشی و خارمِندی دِئشُو بَپِجِن. یا بَروشِن یا زِمِستون دِله مِواجینگ و خمیر طِلا و جَریز حِلوا و اَمبِستی دِرِست هِکانِن هاکِنِن .
🔶بعد شونِنه وَلِک و تِلکا و بِه و آغوز بَچیئِن ِ سَر وَقت. مربای بِه دِرِست کاندِنه تَه خانه (انباری سرداب) یِلنِه یا مهمون و میزبُون وِسِّه جا دِنِنه دِئِنه.
🔶لَس لَس هِوا سرد بونه ، بعضی وَختا پَییز دِله هم اِمکان دارنه دانّه گَتِ وَرف بِواره . همین وِسِّه ، بَرزِگر ها و دِهقُون های حِواس و یاد دَره که زودتِر زمین ره با تِرَکتُور ، اِزال و جِفت ،کِل و وَرز هِکانِن زراعت بِکارِن .
🔶مالدار ها و چُپُون ها اَگه پَییزکا وَره دارِن کِرِس دِرِست کاندِنه حِسابی چَفت و کالُم ره گرم دارِنه تا مال و دام یخ نشو . خاراک و کَه و علِف خاشک هِکارده از قبل کالُوم بُومِ دِله آماده هِکاردِنه .
🔶خاهِش و تِقاضا دارمه:هرچی از خاشِ مَله ، از قشنگی ها و رسم و رسومی که رِواج دارنه بَنِویسین اِمان ره آشنا هاکِنین تا اَمِه فرهنگ و هویّت و اصالت یاد و فِراموش نَوّوئِه نَبوئِه.
شِمِه عیید نوسال مِوارِک.
✍پژوهش ابوالفضل وکیلی
─═༅𖣔❅ ⃟ ⃟ 📚 ⃟ ⃟ ❅𖣔༅═─
💥#پژوهش_ادملاوند
@edmolavand ﷽
#آوات_قلمܐܡܝܕ
📡✦࿐჻ᭂ🇮🇷࿐჻𖣔༅═─
─═༅𖣔❅ ⃟ ⃟ ﷽ ⃟ ❅𖣔༅═─
#پژوهش_اِدمُلّاوَند
@edmolavand
#آوات_قلمܐܡܝܕ
🌐http://mohsendadashpour2021.blogfa.com
#پژوهش_تحقیقات_میدانی
#یافته_های_شفاهی
#تبارشناسی_نسب_نامه
#بازخوانی_خوانش_اَسناد
#معرفی_نویسندگان_پژوهشگران
#بازنگری_سنت_های_مازنی
#قومنگاری_آنتروپولوژی_انسان_شناسی
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم