پژوهشگر محسن داداش پور باکر

🇮🇷#پژوهش_ادملاوند edmolavand

💌شعر و سروده های مخاطبین #ادملاوند

📝بِهارِ نرمِ وارِش تِره بَنِه
ابرِ نَم نَمِ خونِش تِره بَنِه
اون گِدر که سِما سر گینه ویشه
گِلِ وَنوشه خِش تِره بَنِه

📝وَرفِ سِما کِنده هِوا تِه بِرو
ویشه کِنده اِسبه قِوا تِه بِرو
توم نَبونِه درد و غم للِه وا
وَرف لو کِنده سیو هِوا تِه بِرو

📝وارش، وَرفِ سِما بَیّه نِمویی
غِصه هَمتی کوفا بَیّه نِمویی

مِرِه بَوتی تیرِما گِردِنی تِه
اِسا شَروینِه ما بَیه نِمویی

✍️ علی لاریجانی

📝وَرفِ کِلو کِلو و تو نِمویی
جنگلِ بِکِ بو و تو نِمویی
دِشتِ کوه و جَنگل اِسپه بَیه
مِه دِل بَوِ کَهو و تو نِمویی

📝دِ راهِ گت کلا تا محله ی تِک
تیرِنگ زَنِه بِهاره بَهر شِه کِرک
گت کلای محله تا اون کِرِ بِن
هِلا زینوئِه اویا، چپونِ وِنگ

✍️ علیرضا محمدجانی

📝وطن تِه صِفا ره مِن بِنازِم
تِه آب و تِه هِوا ره مِن بِنازِم

بِهاره لاله‌ زاره مِن نَميرِم
تابِسِّن وَقتِ كاره مِن نَميرِم

پِئيز جَم هاكِنم قوت زِمِستون
زِمِسِّن وَرف‌ وباره مِن نَميرِم

مِه دِل خوانِه که اون قدیما بیبو
کَلچو خِنِه، لوش و کلک وا بیبو

جانِ بَبای توره صِدا بیبو
کِرچالِ سَر، ننه ی نَجما بیبو

(✍️ عباس طهماسبی عمران)

📝تِه مِلک خِردیم گِسفِن شو چَر بیارِم
لَلِه بَزِنِم تِه خو رِه سَر بیارِم

لَلِه بَزِنِم تِرِه شِه وَر بیارِم
چِم بَیتِه شو سِتاره دَر بیارِم

وطن تِه دَشت و صحرا، ویشه و کو
وِرگ دِممال تَجِنه، اِشکاری جِلو

وطن ماری هاکن، گَهره هاده تو
پلنگِ لِر بیه، تِه ویشه و کو

✍️ علی هاشمی چلابی

📝روجینِ وا هاکِن مِه یار در اِنه
سَبزِ جِمه غَزِل سِوار در اِنه

دار و خال ره تِتی بِشته نِشونه
ناسورِه دِلِسِّه قِرار در اِنه

میا بَیته هِوا بَیته مه دَممه
بَزِن وارِش بَشوره دِله غَممه

✍️ خاطره صابری

📝بِهارِ نرمِ وارِش تِره بَنِه
ابرِ نَم نَمِ خونِش تِره بَنِه
اون گِدر که سِما سر گینه ویشه
گِلِ وَنوشه خِش تِره بَنِه

📝تِه دَسه هيمه و رَسِن بَوِرده
تِه قِدِ نشاء و خرمِن بَوِرده

اَتا دَم راحِت دِنيا نکِردی
تِه عمرِ صحرا بَتِتِن بَوِرده

تِه مِه گَره دايی توئِه بِلاره
تِه شو مِسِه نَشی خوئِه بِلاره

مِسِه لالا خونِسی تا صواحی
مِسِه داشتی آرزوئِه بِلاره

تِه دوش مَشته هيمه، مِن تِه بِلاره
تِه دس پِره پينه، مِن تِه بِلاره

يا نِشاء کِردی يا مال په دئی
تِه سر ا تن خسه، مِن تِه بِلاره

📝اِفتاب تِه دل گوشه نَوونِه
بِهار تِه دَسِه وَنوشه نَوونِه

اگه دِنيای خِشی مِه بووشه
جانِ مارِ گرمِ کَشه نَوونِه

✍️ شعبان نادری رجه

📝مِه دلِ غَم بَهیته غَم بَهیته
مِه دلِ ناله ی همدم بَهیته

بورِم سَرکوه بِوارِم ابرِ واری
کِجه بورم که چشِ نَم بَهیته

✍️ خاطره صابری

📝بَبا بوردا اَمِه چِش راه بَمونِس
سِرِپیشه لوش هم هِلا وا بَمونِس

دیاری اَمه چِش صحرا بَمونِس
وِنِه جا خالی این دِنیا بَمونِس

میا بَیته هِوا چَنه خجیره
زِمسون وَرف و وا چَنه خجیره

بِخاری هیمه تَش، چایی وِنه سر
صدای لَلِه وا چنه خجیره

(خاطره صابری)

📝خوامه اَبرِ واری تِره بَوینِم
بالا جا دیاری تِره بَوینِم

بورِم بِلِندِ کوهه سَر هِنیشم
خوبِله ویشاری تِره بَوینِم

(هادی اکبری)

📝وطن خوامِه که تِرِه شاد بَوینِم
تِه مِلک و [سامون] ره آباد بَوینِم

تِوِسه بیارِم صد دلِ اَرمون
تِره کوتِرِ واری آزاد بَوینِم

(حسن رجبی)

📝وارِش، وَرفِ سِما بَیه نِمویی
غصه هَمتی کوفا بَیه نِمویی

مِره بوتی تیر ما گِردِنی تِه
اِسا شَروینه ما بَیه نِمویی

(علی لاریجانی)

📝چی بَیه تِلِم، کَلِز و کَچه
کِجِه بورده جوله، اون دست و پنجه
بِرمِه گَلی بِلبِل گِته تیکا ره
خرابِ مِنزِل بی گالِش تیناره

📝لَمپا ره تِسِه سو کِمِه دَگردی
تَشی سِمبار ره او کِمبه دَگردی
سِرخ گل ره سِرپیش تِسِه کارمبه
سِره خِنه ره نو کِمبه دَگردی

(دوستعلی علیخانی)

📝سرد و سرما بِموئه پَئیزِ شو
صافِ هِوا ستاره زَنه سوسو

گِلِم گِلِم وَرف بِموئه سرِ کوه
پلنگِ لِر بِمو، مَستِ اِشکار کِنِه دو
─═༅𖣔❅ ⃟ ⃟ 📚 ⃟ ⃟ ❅𖣔༅═─
#پژوهش_اِدمُلّاوَند
@edmolavand ﷽
📎#کانال_تخصصی_در_ایتا
📡✦‎‌‌‌࿐჻ᭂ🇮🇷࿐჻𖣔༅═─