پژوهشگر محسن داداش پور باکر

🇮🇷#پژوهش_ادملاوند

💥ماه بانو آ گتِ چله شو

✍یادش به خیر!
گمون کمبه همین دیروز بیهه که پاییز شه لِک ولاره جمع هاکرده ،شه سره چارقدده زیل دَوِسته و آتا سرخ چمدون ونه دستا،
چمبرک بزه ایوون سر نیشت بیهه.

📌اق ننه کرسی ره بشته و آتا گتِ دواج که ونه سر کش چل تیکه پارچه بیهه ره دمبدا کرسی سر و دورتادور بالش دچیه
منقل دله ذغال دیه اَنگِشت بیهه
همه تَل تابینه داشتنه، هر کسی آتا گوشه کار ره دِماس بیهه و شه خِده مشغول هاکرد بیهه
بابا بورده انباری ، ۳ تا گت هندونه ، آتا سبد انار ره بیارده حوض کنار و ماه بانو ره صدا بزوئه..دتر ایناره هم آتا او بزنین.

📌چتری خاله دیه کوماج درست کرده
هوا خله سرد بیهه .
داره سرتن لرز دَکِت بیهه.
دتری این چادر ره مه کمر دور خارک گِر بزن.
آ آ ته دستِ بلارم.
آتا خش مه سوال سر هدا .

📌زِریک بزومه وره هارشیمه
خله توم وره نزدیک جا ندی بیمه.
سرمی درستی ورفِ کلو،
دیما دیار هم چین دکت بیهه،اما شه قشنگی ره داشته.
منم خشالی جم این ور اون ور پرسمه،مارِ دورا ور دیمه.

📌ببا آتا رادیو داشته که طاق سر دیه و صوایی تا نماشون روشن بیهه شه وسه گینگ گینگ کرده.

📌آق ننه گته آتا کس دنیهه وره لال هاکنه.اماره که دکل حالی ننه وه چچی گنه...
مه دل خواسته زودتر شو بَووه.

📌همه فامیل جمع بواشن کرسی بن هنیشن و جان ِ پی ئره آسنی ره گوش هادیم...

💥گتِ چله شو .
👇👇
📌که بیهه همه فامیل جمع بینه امه سره لبو و کعی بو آتا وُر
گندم وریشت ،پشت زیک،بائو دونه،

📌آق ننه تابستون که بیهه خربزه و هندونه تیم ره خشک کرده و چله شو وره آتا کم نمک او دله خیس دائه و دواره تش سر بِره دائه.
👇👇
📌آغوز خِرِش ،غاز گوشت،.ته چین...
منم که دَل ادم، عاشق غذا بخردن
فقط خواستمه سفره دور هنیشم..

📌وَچون فامیل که با هم دیگه کتمی تا تونستمی گپ زومی و خنده کردمی و شیطونی داشتمی
........
📌این سر تا اون سر خنه سفره بشتنه.
هر چی ته دل بخواست بی بو سفره سر دیه.همه ونه دور نیشت بینه..
گت سماور هم خنه گوشه قل قل خرده

👮‍♀نِنا، ماه بانو ره ونگ هاکرده دتر جان برو این سینی چایی ره بَور دور هاده..

📌ماه بانو شه سره میره دکرده چارقد دله و آتا محکم گِر بزو آ سینی چایی ره دور هدا ..

📌عباس عمو و ونه ریکا با هم نیشت بینه....ماه بانو که سینی چایی ره وشون ره تعارف هاکرده،بدیمه پی ئر وچه درنه گوش مَجی کندنه.

📌همه فامیل گت و خرد ،پیرآ جوون، گپ زونه ، خاطره تعریف کردنه، خنده کردنه، چایی خردنه، اما این پی ئر وچه حواس آتا جا دیگه دَیه..

📌بِبا هم آسنی تعریف کرده و همه گوش دانه.
عباس عمو و ونه ریکا جعفر بوردنه تا نالِ سر ،

📌مه حواسم وشون پلی دَیه
،پنجره پشت هرسامه، پرده ره کنار بکشیمه، شیشه عرق هاکرد بیهه، شه چارقد گوشه جا پاک هاکردمه
شلاب زوئه ، گمونم ورف و وارش باهم بیهه.
...
📌همه ساکت بینه و بباره اشانه.که این سرد هوا، دستمال جا شه سوال عرق دیه خشک کرده.

📌ماه بانو آتا کش دیگه چایی ره دور هدا
،همه کله ونگ هدانه و باتنه موارکه

📌ماه بانو خجالت جه سرخا سیو بیه
مار وره کشه بیته خش هدا
گلون زن عمو هم وره خش هدا
شه همراه آتا اسپه چارقد داشته که دکرده ماه بانو سر.الهی خش بخت باشین دِتِر...
...
🍂الان خَلِه ساله که به خیرا خشی زندگی خوبشی دارنه و چله شو وشون سه اتا خجیره خاطره بیه

👇👇
💥گتِ چله شو همه ره موارکا باشه.

🗓۱۴۰۲/۹/۳۰
✍رویا_اسداللهی

─═༅𖣔❅ ⃟ ⃟ 📚 ⃟ ⃟ ❅𖣔༅═─
#پژوهش_تبارشناسی_اِدمُلّاوَند
@edmolavand ﷽
📡✦‎‌‌‌࿐჻ᭂ🇮🇷࿐჻𖣔༅═─
#آوات_قلم
http://mohsendadashpour2021.blogfa.com
#بازخوانی_خوانش_اَسناد
#قوم_شناسی_ایل_شناسی
#تبارشناسی_تیره_شناسی
#طایفه_شناسی_نسب_شناسی
#خاندان_شناسی
#قومنگاری_آنتروپولوژی_انسان_شناسی
📡✦‎‌‌‌࿐჻ᭂ🇮🇷࿐჻𖣔༅═─