🥔 این هم از کِنِس تِرشی :
🔸وقتی پَئیزِ کَلّه دیار بُونه،لَس لَس گَت گَت کال کنِس لفور هم دَره خودنمایی کنه،خودِشه نِشُون دِنه.
همین روزا وَقتِ کنِس کار بِئِشتِن هسه،گِلی کِله (اجاق گِلی) دِرِست هِاکردِن،گِوال (کیسه پشمی برای عصاره و آبگیری) ره آماده هِاکردِن.
این روزا هر لفوری، شِه وِسِّه،کنس دار،خِرابهِ دِله رَج کنده.
کنس دار هم جنگل دله،زمین دله یا سامُون سر هم کنس دار دانه.
چون کنس دار تَلی دارنه وِنِه جِه،بجای خال (حصار طبیعی) استفاده کندِنه.
اَمِه یاد دَواشه ، هَمیشِک، یَقِدِ کنس،دار سَر بِئِلیم تا میچکا،تِیکا،اَیا یا پرنده ها و حِیوُن های دیگه بِخرِن،اونا کنس تیم ره جای دیگه خِرابه دِله وَرِنه شَندِنه (دفع کندِنه) ، اِهه ! بِفَهمِستی ! اینجوری اِتا کنس دار جدید شِمِه نوه و نتیجه وِسّه در اِئنه ، تازه خَلِ ثِواب هم دارنه.
اِتا چیز گومبه شِمِه حال بَد نَبو.
دِرِسه کنس خِش مزه هسه (هَسّه) امّا در بخردِن زیاده روی نَکنیم خش پیش ره هارِشیم.
کنس تِرشی،چربیِ خون وِسّه دِوا هَسته.
کنس،میوه یِ جنگلی وطبیعی وخیلی هم خش مزه هسه.
کنس ترشی ره غذا دِله مخصوصاً آش دِله شِندِنه.
بعضی جاهای استان مازندران، کنس ره کِنِدس هم گنِنه
به زبان فارسی هم این میوه ره ازگِل یا ازگیل وحشی و جنگلی هم گِنِنه.
📸 عکس : آقای آتشکار
─═༅𖣔❅ ⃟ ⃟ 📚 ⃟ ⃟ ❅𖣔༅═─
#پژوهش_تبارشناسی_اِدمُلّاوَند
@edmolavand ﷽
📡✦࿐჻ᭂ🇮🇷࿐჻𖣔༅═─
#آوات_قلم
http://mohsendadashpour2021.blogfa.com
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم