پژوهشگر محسن داداش پور باکر

📜 شعر محلی مازندرانی "عاشقانهء گالِشی " :

🍃مِن تِه چِش و تِه اَبروی بِلارِه
🍃مِن تِه زِلف و تِه گیسوی بِلارِه

🍃آ تِه مخمِلِ دیمِ دور بَگِردِم
🍃مِن تِه مِکِنای بوی بِلارِه

🍃صِواحی تِلاوَنگ جِه بیمی ویشار
🍃تِلای قو قولی قوی بِلارِه

🍃وِضو گیتِمی خوندِسِّمی نِماز
🍃مِن تِه نِماز و وِضوی بِلارِه

🍃مَنگو رِ وَرِه مار کِردی و دوشتی
🍃شِه وَلِ چَکِ مَنگوی بِلارِه

🍃ماس رِ تِلِم زویی و گیتی راغون
🍃اون کَرِه راغون و دوی بِلارِه

🍃گندِم و جو رِ آرد کِردی دَنگِ سر
🍃شِه گندِمِ نون و جوی بِلارِه

🍃تیسابِه لینگ شیئی چِشمه او دِمّال
🍃آ مِن چِشمه سرِ اوی بِلارِه

🍃اَفتو رِ مَشت کِردی و ایشتی شِه سر
🍃مِن اون سر و اون اَفتوی بِلارِه

🍃طارِم دونِه رِ شِسّی چاشتِ گِدِر
🍃اون طارِم دونِهء بوی بِلارِه

🍃پِلا لَوِه دَیِه هیمِه تَشِ سر
🍃هیمِه تَش و هیمِه چوی بِلارِه

🍃مِه پیتِه خِنِهء لَمپای سویی
🍃شِه پیتِه لَمپای سوی بِلارِه

🍃نِماشتِه سر که بیِه مِنزِلِ سر
🍃گالِشِ هَی هَی و هوی بِلارِه

🍃دِلخِشی داشتِمی ناشتِمی غِرصِه
🍃جانِ گالِشی و گوی بِلارِه

🍃مازِرونِ مَلِهء دور بَگِردِم
🍃احسان شِه جِنگِل و کوی بِلارِه

📚شاعر : نعمت الله احسانی

─═༅𖣔❅ ⃟ ⃟ 📚 ⃟ ⃟ ❅𖣔༅═─
#پژوهش_تبارشناسی_اِدمُلّاوَند
@edmolavand ﷽
#آوات_قلم
http://mohsendadashpour2021.blogfa.com
📡✦‎‌‌‌࿐჻ᭂ🇮🇷࿐჻𖣔༅═─