📜 منظومه "خرو نرو" :
─═༅𖣔❅ ⃟ ⃟ 📚
#پژوهش_تبارشناسی_اِدمُلّاوَند
@edmolavand ﷽
خرو نرو ره اشنا نرو ﺧﺮﻭ ره
ﭼﮑﻞ شه دامن چشمه ی ﺍﻭﺭﻩ
کوهی بندلوشونا پهنه ی کوه ره
مختاباد کشه ی کچک ﻭﺭﻮﺭه
زرجوشه دامنه اشکاره گوره
گله ورسبزعلفه نوج ﺑﺰﻭﺭﻩ
بندبن شه سینه ی گل کتو ره
بهارمسته کولکه عطروبوره
چکل شه بلندی دریوی اوره
مازرونه همنده ﺭﻭﺧﻨﻮﺭﻩ
خروته خنواره چتی ویندی
شاهبالوی اقاره چتی ﻭﻳﻨﺪﯼ
نروته بایعکلا ره چتی ویندی
خرج ه باصفاره چتی ﻭﻳﻨﺪﯼ
انارم وکو اسطلخ و وره پی
ﺩهمیونی ریکاره چتی ﻭﻳﻨﺪﯼ
خرو ﻧﺮﻭ ﺷﻤﺎ هر دِه اِسانی
اسه و رجه ره هر ده ﻭﻳﻨﺎﻧﯽ
شمه قامته دور هرچی جوونه
شمه دل گیرنه ا ورف و ﻭﺍﺭﻭﻧﻪ
دتایی سرماره شه تن نهیرنی
افتاب تق نزه ورف سرجا ﮔﻴﺮﻧﯽ
شمه گیسوکمونه اون بلندی
چکل ه یال ره دتایی ﺗﻮﺩﻧﻨﯽ
ونه ورف ره پایینی فرت ﺗﻮﺩﻧﻨﯽ
شندننی پایینه یخچاله روره
ونه بچابچا چشمه ی ﺍﻭﺭﻩ
ونه سنگ رجه خال و ختو ره
ونه اوپه ی اوجی نوج ﺑﺰﻭﺭﻩ
دیاری تلار سربند ره اشن نی
تمشتونه لم ه ونده اشن ﻧﯽ
کهله ی سر راهبد ره اشن نی
سنگده ی ولیک بن ره اشن ﻧﯽ
اون دیاری محله هارشیین خجیره
ممداباده سوزه هِمِند ﺧﺠﻴﺮﻩ
رسکت ه برج سر کلاه بشتنه
برق هائیت قندیل اون ﺑالاﺑﺸﺘﻨﻪ
چکل گننه ته حال خار ونخاره
چتربزه عاروس برمه ﻭﺍﺭﻩ
ونه دل بهیتا نومزه بیکاره
معطله جهاز دل ﺑﻴﻘﺮﺍﺭﻩ
چپون وگالشه مالداری بورده
همه بَروت بَیه تنه خاری ﺑﻮﺭﺩﻩ
چکل خرو ره خار دار سربه زیره
گمون نرو ونه زاری ﺟﺎﻣﻴﺮﻩ
خِرو جانِ ته و جانِ مِه نرو
تره سرزمبِه بِهِم ییلاقه ﮐﻮﻩ
✍شاعر :حسن رجبی ﺧﺎﻧﻘﺎﻫﯽ
─═༅𖣔❅ ⃟ ⃟ 📚 ⃟ ⃟ ❅𖣔༅═─
#پژوهش_تبارشناسی_اِدمُلّاوَند
@edmolavand ﷽
📡✦࿐჻ᭂ🇮🇷࿐჻𖣔༅═─
📚پژوهشگر اسناد خطی، تبارشناسی و فرهنگ عامه، شاعر و سخنران، مدیر پژوهش ادملاوند و آوات قلم