پژوهشگر محسن داداش پور باکر

welcome. good day,welcome in the name of the allah.avat qalam mohsendadashpour mzm22mzkm13991014

محسن داداش پور mohsendadashpour 

به صفحه شخصی محسن داداش پور آوات قلم خوش آمدید 

شعر بندپی شاعر حمید کاظمی
بندپی
بندپی تِه صِفاره مِن بِنازِم
ته آب و ته هواره من بنازم

ته سبزه سرزمین لطف و صفا
ته سجروی صداره مِن بِنازِم

ته دشت و جنگل و صحرا و دره
ته سرسبزی روستاره مِن بِنازِم

گلیا و زوارده ناری رون
ته دشت دِله نشاره مِن بِنازِم

اِدمِلّا پوسکلا و کوپه سره
ته تپه شهداره مِن بِنازِم

امام زاده عباس شاهزاده رضا
وِنه موجز نماره مِن بِنازِم

پادشامیر سید نظام الدین
مِزار شهداره مِن بِنازِم

خشروپی و دیا و کاردیکلا
مردم با خداره مِن بِنازِم

ته دیا مله عِمرونا مِلِشا
همدوشا هم صداره مِن بِنازِم

قِرِق که اِشکِنه کویی شونه کو
کلّه ونگ و اویاره مِن بِنازِم

قِرِق که اشکنه مال کفنه را
ته گِسفِنِ صداره مِن بِنازِم

لینگ دره کالچرم دوش شیره جاله
ته خِراک شیر پِلاره مِن بِنازِم

چَپّون بار کنّه اسب و قاطر پشت
ونه پشت لَمچاقاره مِن بِنازِم

گِسفن را کفِنّه راسّه سِجرو
ونه هامِته راره مِن بِنازِم

اَنِه شونّه تا حاجی شِخ موسی
ونه جفته آقاره مِن بِنازِم

قربونی کنّنه آسّونه دله
ونه موجز نماره مِن بِنازِم

اسیر برف و یخ هَسِّنه هَرده
پشتیبان اِماره مِن بِنازِم

وِشون یاری کنّنه اِما پِریجایی ره
چه کوها و چه صحراره مِن بِنازِم

سال که تحویل وونه ته عیدی گردش
این هم نشینی هاره مِن بِنازِم

ته دشت کنار فِک نو تِتی
پِس پِسی صداره مِن بِنازِم

فِرمونی دٍِشو با کنِس تِشّی
لَوه هَلی پِتکاره مِن بِنازِم

ته تَنّیر دله لَتی پَنجه کش
یا ته تینگِلِواره مِن بِنازِم

نِواش تر که وونه گاخسه مینا
ته شیرو جونّکاره مِن بِنازِم

زَرین ماشّن سِنّار قَلفِر
همه گوی میناره مِن بِنازِم

ته تَش کِله وَر خالِگِ گوگزا
مارّه کِنّه صداره مِن بِنازِم

گالش زِنا با گالش وچون
خِرِنّه شیر پلاره مِن بِنازِم

گالش که پِرسِنه سِوی تِلا ونگ
عبادت با خداره مِن بِنازِم

ته وصف هَچّی بووئم نوونه تِموم
ته همه خوبی هاره مِن بِنازِم

ته شعر و شاعری زبون محلی
کاظمی ته صداره مِن بِنازِم

شعر ار: حمید کاظمی
avat qalam mohsendadashpour mzm22mzkm13991014

محسن داداش پور mohsendadashpour 

* آ *و*ا*ت* ​*ق*ل*م*

دیدگاه تان را ارسال کنید

لطفاً از درج نظرات غیر مرتبط با این صفحه خودداری کنید.

برای ارسال نظر خودتان لطفا در نوار زیر روی جمله ی ((نظر بدهید)) را تیک بزنید